Нурмагомедов Ислам Махачевнинг истеъфосини кутяпти

Усман Ислам UFC`дан кетганидан кейин унинг чемпионлик ўрнини эгалламоқчи.  

"Тўғрисини айтсам, Исламнинг фаолиятини якунлашини кутяпман. Ҳозир 26 ёшман ва икки йилдан кейин тўлиқ кучга тўламан. 32-33 ёшгача юқори спорт формасида жанг қила оламан. Унгача тажриба ва куч тўплаб олишим керак. Александр Шаблий билан жангимда жисмоний тайёргарлик ва тажриба ҳақидаги тушунчага эга бўлдим. Рақибимнинг жисмоний ҳолати меникидан яхшироқ эди. Бу ҳаммаси тажриба ортидан келади", - дея  Gorilla Fighting каналига интервью берган Усман Нурмагомедов. 

Эслатиб ўтамиз, ўтган ойда Усман Нурмагомедов ҳамюрти Александр Шаблийга қарши кечган беш раундлик тўлиқ жангда Bellator чемпионлик камарини муваффақиятли ҳимоя қилганди. Унинг кейинги рақиби катта эҳтимол билан ирландиялик Пол Хьюз бўлиши керак. Пол куни кеча даъвогарлар жангида америкалик Эй Жей МакКини мағлуб этганди.