Нурмагомедов рейтингда кучли учликка кириб олди + ФОТО

Усман Bellator промоушенида учта жанг ўтказиб, уларнинг барчасида ғалаба қозонди. Ушбу муваффақиятли серия сабаб у енгил вазнлилар рейтингида еттинчи поғонадан учинчи ўринга юқорилади. Кучли учликдан собиқ Bellator чемпион Брент Примус ва дивизионнинг биринчи рақамли жангчиси Сидни Аутлоу жой олган.

Ушбу вазнда янги Bellator чемпиони пайдо бўлди. Ўтган ҳафта Ирландиянинг Дублин шаҳрида ўтган Bellator 270 турнирининг марказий жангида бразилиялик Патрик "Питбул" Фрейре иккинчи раундда мезбонлар вакили Питер Куиллини нокаутга учратиб, вазн чемпионига айланганди. 

Маълумот учун, 23 ёшли Усман Нурмагомедов Bellator промоушенида шу йилнинг апрель ойида дебют қилганди. Ўшанда у Майк Хэмилни очколар ҳисобига кўра таслим этган эди. Шундан сўнг Усман Мэнни Мурони техник нокаутга учратган бўлса, учинчи жангида Патрик Пиетилни бўғиб қўйганди.