Нурмагомедов ва унинг шеригини Москвада ҳибсга олишди

Хабиб Нурмагомедовнинг жияни ҳисобланган Усман дўсти Камил Идрисов билан бирга машинасида Каспийскдаги КПП "Аэропорт" полицияси томонидан тўхтатилганида бўйсунмай, ҳаракатланишда давом этган.   

Улар Махачқалъа - Москва авиарейси билан учишлари керак бўлган. Полиция Шереметьево аэропортини бу ҳақида огоҳлантирган ва айнан ўша ерда Усман ва Камил ҳибсга олинган. 

"Доғистон Республикаси Каспийск шаҳри ички ишлар бўлими томонидан Идрисов Камил Хабибович ва Нурмагомедов Осман Магомеднабиевич қидирувга берилди. Улар қора рангли "Тойота Камри" автомобилида Каспийск шаҳрининг КПП "Аэропорт" полицияси ходимларига бўйсунмаган ҳолда ҳаракатланишда давом этишган. Камил ва Усман Махачқалъа шаҳрининг "Уйташ" аэропортидан СУ 1053 рейси билан Москвадаги Шереметьево аэропортига учишган. Самолётнинг "Шереметово" аэропортига қўниши соат 14:40га белгиланган. Шундан келиб чиқиб, исм-шарифлари келтирилганларни ҳибсга олишда ёрдам беришингизни сўраймиз", — дейилади хабарда.