Нурмагомедовнинг мураббийи: Хабиб фаолиятини якунласа, уни қўллаб-қувватлайман

Кўпчилик отасининг ўлимидан кейин Хабиб Нурмагомедов фаолиятини давом эттирадими, деган савол қизиқтириши табиий. Унинг мураббийи Хавьер Мендес Хабибнинг ҳар қандай қарорини қўллаб-қувватлашини маълум қилди.

"Агар у жанг қилишни истаса, унинг ёнида бўламан. Мабодо, фаолиятини якунлашини хоҳласа, бу фикрни ҳам қўллаб-қувватлайман. Унинг қарори нотўғри эканлигини тушуниб етсам, албатта унга тўғри йўл кўрсатаман. 

Бир нарсани аниқ биламан: у отасининг ишини давом эттиради. Хабиб спортчи бўла туриб бир неча ёш юлдузларни шуғуллантирган", - деди Мендес. 

Эслатиб ўтамиз, Хабибнинг отаси Абдулманап Нурмагомедов 3 май куни узоқ давом этган хасталикдан сўнг 57 ёшида вафот этган эди.