Нурсултон Рўзибоев: «Кайо Борральо билан жанг ўзимга ҳам керак эди»

Нурсултон Рўзибоев жанги бекор бўлгани учун негатив билдираётганларга мурожаат қилди.

«Бир-биримиз ҳақимизда ёмон фикрда бўлмайлик. Бу жароҳат қай даражада бўлганини, яқинларим ва ўзим биламан. Комментарияда хар хил нотўғри гапларни ёзманглар. Тўғриси, негатив ёзилган изоҳлар мен учун бир тийин. Соғлик тилаб ёзаётганларга раҳмат, ҳозир гипс ечилган, оёғимни ишлатишни, букишни бошладим. Яхши бўлса машғулотларга қайтаман. 

Бу жанг менга керак бўлмаганида аввал бошиданоқ қабул қилмас эдим. Бу жанг ўзимга ҳам керак эди. Шунинг учун »биз кутгандик, унақа бўлибди, бунақа бўлибди» деган гап-сўзлар бўлмасин. Ўзиз кўряпсиз, нечи киши жароҳат оляпти, кимларни ўрнига бошқаси чиқяпти. Бу спорт, унда жароҳатлар аввал ҳам бўлган, бундан кейин ҳам бўлади. Бу учун хафа бўлманглар, узр. Буёғига кўпроқ ҳаракат қиламиз. Дуода бўлинлар», - деди Нурсултон.