10 июл 16:12
Янгиликлар

Бокс/ММА

Нурсултон Рўзибоев укасини қўллаб-қувватлаш мақсадида Москва шаҳрига етиб борди + ВИДЕО

Аралаш якка кураш устамиз Машрабжон Рўзибоев эртага Россия Федерацияси пойтахтида ташкил этиладиган Open FC 67 турнири доирасида UFC cобиқ жангчисига қарши октагонга чиқади.

Vegas City мажмуасида ўтказиладиган турнирда кичик Рўзибоевга бразилиялик Габриэль Миранда рақиблик қилади. "Учувчи" лақаби билан танилган Миранда дунёнинг энг кучли лигасида тўртта жанг ўтказган, шунингдек, Brave CF лигасида ҳам октагонга чиққан.

Нурсултон Рўзибоев эртанги муҳим жангда укасини қўллаб-қувватлаш, унинг бурчагида бўлиш мақсадида Москва шаҳрига етиб борди. Уч йиллик танаффусдан сўнг октагонга қайтаётган Машрабжон Open FC лигасида учта жанг ўтказган. Унинг ММАдаги умумий ғалабалари сони 20 тани ташкил этмоқда, шундан 17 таси муддатидан олдин якунланган.