Нурсултон Рўзибоевнинг навбатдаги жанг санаси ва рақиби маълум. У билан бир оқшомда яна бир ҳамюртимиз жанг қилади

Бу ҳақда спортчи Инстаграм саҳифаси орқали хабар бермоқда. Унга кўра, ўрта вазн тоифасида ҳаракатланаётган Рўзибоев (30-8)12 сентябрь куни Москва шаҳрида Оpen FC 10 турнирида октагонга кўтарилади. Ҳамюртимизга бразилиялик Лучиано Контини (13-3) рақиблик қилади.

Эътиборлиси, ушбу оқшомда яна бир ҳамюртимиз ярим оғир вазн тоифасидаги Рахматулло Саттаров (7-1) мезбонлар вакили Иля Бачков (8-3-1) билан тўқнаш келади.

Турнир 12 сентябрь куни Тошкент вақти билан 20:00 да бошланади.