03 апр 13:40
Янгиликлар
Бокс/ММА
Octagon 86 турнири ҳам Тошкентда ўтказилади, унда ҳамюртимиз чемпионлик камари учун жанг қилади
Хабарингиз бор, кеча пойтахтимиз ММА бўйича Octagon 85 турнирига мезбонлик қилди.
Оқшомнинг марказий жангида ҳамюртимиз Шоҳасан Мирзаматов Лиганинг ярим ўрта вазн тоифасидаги қозоғистонлик чемпиони Богдан Пшебелскийга қарши баҳс олиб борди. Бироқ жангнинг биринчи раундидаёқ Мирзаматовга тақиқланган зарба йўллангани туфайли баҳс ўтказилмаган деб топилди ва камар Богданда қолди.
Эътиборлиси, Лиганинг навбатдаги турнири ҳам Тошкентдаги "Ҳумо Арена" мажмуасида ўтказиладиган бўлди.
Маълум бўлишича, Octagon 86 турнири доирасида ҳамюртимиз Асадбек Саидов енгил вазн чемпиони, Қозоғистон вакили Саят Абдуали билан жанг қилади.
Саидов ҳозирга қадар 7 та жанг ўтказиб, барчасида ғалаба қозонган бўлса, Саят Абдуали ҳисобида 9 та ғалаба бор.
Ҳавола :
Манба : olamsport.com
Фикрлар