Одилхон Камолов Мuradov Legion Team'га қўшилдими? Жасур Алижонов жавоб берди

Жамоа мураббийи Жасур Алижонов olamsport.com сайтига берган интервьюсида Одилхон жамоага қўшилмаганини айтди.

"Жамоага қўшилиш оддий нарса эмас. Жамоа уни қабул қилиши керак. Залимизга келди, гаплашдик, машғулотларга келсам бўладими деди. Бемалол, келавер дедим. У ерда бошқа нарса бўлгани йўқ. Залга келиб, меҳнат қилиб, дўстлашиб, "мясрубка"да бўлиб, чидаб, ҳақиқий спортчилигини кўрсата олса ана ўшанда жамоага қўшилади. 

Мен ҳали бир марта ҳам жамоа билан машғулот қилмасидан аввал уни жамоага қўшилди дея олмайман. Ҳар қандай спортчи жамоага қўшилишидан олдин, келиб машғулотда қатнашади, ҳарактерини кўрсатади, жамоага киришимлигини исботлайди. Жамоа уни қабул қилганидан кейин у қўшилади. Бизни жамоамиз жуда аҳил - машғулот жараёнидаги "сола-сол"дан кейин ҳаммаси унитилади", - деди Алижонов.

Жасур Алижонов билан тўлиқ интервьюни томоша қилинг!