06 янв 09:38
Янгиликлар

Бокс/ММА

Оғир вазнда собиқ UFC чемпионининг рақиби ва жанг санаси маълум

Оғир вазн тоифасида собиқ UFC чемпиони, промоушеннинг фахрий жангчиси, 41 ёшли Андрей Орловский октагонга қайтмоқда.

Беларуслик спортчининг навбатдаги жанг санаси ва рақиби маълум қилинди. Орловский 20 февраль куни Том Аспиналга қарши октагонга кўтарилади, деб хабар бермоқда UFC Europe ўзининг "Твиттер"даги расмий саҳифасида.

Орловский учун 2020 йил омадли келди. У ўтган йили иккита жанг ўтказиб, ҳар иккисида ҳам ғалабага эришди. Аввалига у 13 май куни Фелипе Линсдан устун келди, кейин эса ноябрда канадалик Таннер Босернинг ғалабали сериясига чек қўйди.

Британиялик Том Аспиналь эса 2020 йилда UFC промоушенида дебют қилди. Июль ойида ўтказилган жангда у Жек Кольени мағлубиятга учратди. Октябрда эса Алан Бадуни нокаут эвазига таслим этди. 27 ёшли Аспиналь 11 жангининг 9 тасида зафар қучган.