ОКМК мотокроссчилари халқаро кубок соҳиби

Ушбу халқаро мусобақада мураббий Андрей Сазонов бошчилигидаги ОКМК мотокроссчилари ҳам иштирок этишиб, салмоқли натижаларни қайд этишди.

Баҳслар 125 см3 (ўсмирлар), 250 см3, 500 см3 ҳажм двигателли ва ЧЗ классидаги мотоцикллар ўртасида ўтказилди. Ўсмирлар ўртасида вакилларимиздан Илнур Умербеков фахрли учинчи ўринни эгаллади.

Сергей Виноградов, Андрей Сазонов кичиги, Шевкет Сулеймановлар эса ўз йўналишларида маррага биринчи бўлиб етиб келишди.

Шу тариқа ОКМК мотокроссчилари Тожикистон очиқ халқаро кубоги ғолибига айланишди. Андрей Сазонов шогирдлари ушбу халқаро мусобақада иккинчи маротаба иштирок этишди. Ўтган сафар ҳам улар кубогни қўлга киритишганини алоҳида таъкидлаш жоиз.

Ҳозирда комбинат мотокроссчилари 6-7 декбар кунлари Тошкентда ўтказиладиган мавсумнинг сўнгги мусобақасига тайёргарлик кўришмоқда.