23 авг 13:05
Янгиликлар

Бокс/ММА

Октябрь ойидаги UFC Fight Night турнирининг марказий жанги маълум

UFC промоушени 16 октябрь куни АҚШнинг Невада штати Лас-Вегас шаҳрида навбатдаги турнирини ўтказади.

Промоушен томонидан ушбу оқшомнинг марказий жанги эълон қилинди. Аёллар лигасининг енгил вазн тоифасида собиқ UFC чемпиони Миша Тейт 16 октябрга белгиланган UFC Fight Night турнирининг марказий жангида Кетлин Виейрага қарши октагонга кўтарилади.

Маълумот учун, ўтган ойда 35 ёшли Миша Тейт беш йиллик танаффусдан сўнг фаолиятини қайта тиклаган ва учинчи раундда рақибаси Мэрион Ренони техник нокаутга учратган эди. 29 ёшли Кетлин Виейра эса шу йилнинг февралида россиялик Яна Куницкаяга очколар ҳисобига кўра ютқазиб қўйганди.

Айни пайтда Кетлин Виейра ва Миша Тейт UFC рейтингида мос равишда етинчи ва саккизинчи ўринларни эгаллаб туришибди.