Ўлди дейилган Дани Алвес озодликка чиқарилди

"Барселона" собиқ ҳимоячиси тунги клубда қизни зўрлаганликда айбланиб, 4 ярим йилга қамалган, қўшимчасига яна 5 йил шартли қамоққа ҳукм қилинган эди. Шунингдек, у жабрланувчига 150 минг евро тўлаб бериши ҳамда унга 9 ярим йил давомида яқинлашмаслиги лозим.

Футболчининг вакиллари қарорга апелляция беришди. Шундан сўнг Алвес ҳукм кучга киришни бошлагунга қадар уни озод қилишларини сўради: "Мен қочмоқчи эмасман, мен адолатга ишонаман".

"Marca" нашрининг ёзишича, Барселона суди собиқ футболчини якуний қарор кучга киргунга қадар озодликка чиқаришга қарор қилган. Лекин, бунинг учун Алвес 1 миллион евро миқдорида гаров пули тўлаши керак.

Эслатиб ўтамиз, 10 март куни бразилиялик журналист Дани Алвес ўз жонига қасд қилди деб хабар тарқатган эди.