09 авг 08:21
Янгиликлар

Бокс/ММА

Олимпиада чемпиони Эберт Соуза Консейсао Тошкентда!

Хабарингиз бор, 13 август куни "Lift" промоутерлик компанияси томонидан пойтахтимиздаги “Ҳумо Арена”да катта бокс оқшоми бўлиб ўтади.

Ушбу юлдузли оқшом иштирокчилари ҳамда мартабали меҳмонларининг юртимизга ташрифи бошланди. Биринчилардан бўлиб Токио-2020 Олимпиадаси чемпиони, жаҳон чемпиони, бразилиялик Эберт Соуза Консейсао мураббийи ҳамроҳлигида Туркия ҳаво йўлларининг ТК368 рейси билан бироз аввал Тошкентга етиб келди.

Уни Ислом Каримов номидаги Тошкент халқаро аэропортида Ўзбекистон профессионал бокс федерацияси ҳамда "Lift" промоутерлик компанияси раҳбарияти, оммавий ахборот воситалари ходимлари кутиб олишди.