Олимпия ўйинлари совриндори Жо Жойс Фьюри билан жанг қилиш истагини билдирди

Унинг фикрича, бу жангни ташкил қилиш осон бўлади, боиси ҳар икки британиялик ҳам промоутер Фрэнк Уоррен билан ишлайди.

"Ҳа, мен жанг қилишга тайёрман. Аввалига менда Чжан билан жангим бор - бу жуда муҳим, шунинг учун биринчи навбатда ушбу баҳсни ўтказиб оламан. Агар Фьюри Усик билан жанг қилмаса, мен билан рингда учрашишни хоҳлашини айтди.

Бу жангни ташкиллаштириш жуда осон бўлади. Иккаламиз ҳам Фрэнк Уоррен билан ишлаймиз. Фьюри аллақачон мен билан жанг қилмоқчи эканлигини айтди ва бу ажойиб бўлади. Одамлар бизнинг жангимизни кўришга қизиқишмоқда.

Боксда мени ҳеч нарса ажаблантирмайди. Мен фақат ўзимга керак бўлган ишни қиламан, фаолиятимни ривожлантираман ва максимал даражага эришаман. Мен жорий ва келаси йили ажойиб жангларда қатнашмоқчиман", - дея Жойснинг сўзларини келтиради BoxingScene.