UZ

Сўнгги янгиликлар

11:35Юнон-рум курашчиларимиз Жаҳон чемпионатидаги иштирокини бошлайди, Шоҳида Аҳмедова ўтиш босқичида курашади 0 11:09Амирхон Алихўжаев билан тўқнаш келган Даниил Донченко UFC'га ўтди, у илк жангини Қатарда ўтказмоқчи 0 10:45Here we go! Жозе Моуринью "Бенфика" таклифини қабул қилди 0 10:21"Янгибод"да боксчилар учун янги база қурилади 0 09:582026 йилги Жаҳон чемпионатлари қачон ва қайси мамлакатларда ўтказилиши эълон қилинди 0 09:31Россиялик UFC жангчиси допинг туфайли бир йилга четлатилди 0 09:06Суперлига. Бугун 22-турга старт берилади 0 08:40Головкин Қозоғистон бокс терма жамоасининг Жаҳон чемпионатидаги иштироки ҳақида қандай фикрда? 0 08:18Муроджон Аҳмадалиев: "Биламан, сизларга жанг ёқмади, лекин бунинг сабаби бор эди" 0 07:30Умиджон Жалолов: "Ҳар қандай рақибни ютса бўлади" 0 07:00ОЧЛ-2. "Андижон" меҳмонда "Аркадағ" билан дуранг ўйнади 0 18:40"Реал" юлдузларидан бири 1.5 ойга сафдан чиқди 0 18:12Дана Уайт Макгрегор Оқ уйдаги турнирда қатнашиши мумкинлигни инкор этмади 0 17:41Шон О’Мэлли ТОП-5 жангчиларидан бирига қарши жанг қилишга тайёр 0 17:17Дана Уайт 2026 йилда нечта UFC турнири ўтказилишини айтди 0

16 янв 12:43
Янгиликлар

Тадбирлар

Олимпия қўмитасида ўтган матбуот анжуманидан ФОТОРЕПОРТАЖ

Ўзбекистон Миллий олимпия қўмитасида 2021 йил юртимизда ўтказиладиган халқаро мусобақаларга бағишланган матбуот анжумани бўлиб ўтди.

Президентимизнинг Парламент ва Ўзбекистон халқига йўллаган Мурожаатномалари ва “Ёшлар форуми»даги нутқларида 2021-йилда юртимизда камида 20 та халқаро мусобақалар ўтказиш ва шу орқали Янги Ўзбекистоннинг салоҳиятини бутун дунёга намойиш этиш, туризм соҳасини ривожлантириш бўйича қатор вазифалар белгилаб берилганди. 

Тадбирни МОҚ раиси матбуот-котиби, ахборот-сиёсати масалалари бўйича маслаҳатчиси Зафар Имомхўжаев олиб борди. Унда мавзулар бўйича спикерлар МОҚ Халқаро алоқалар департаменти директори Камолиддин Эргашев ва Олимпия спорт турлари фаолиятини координация қилиш департаменти директори Бегзод Ибрагимов, шунингдек, ОАВ ходимлари иштирок этишди.

Ўзбекистонда 2021 йил ўтиши кутилаётган халқаро мусобақалар, Токио-2020 Олимпия ва Паралимпия ўйинларига тайёргарлик, “Спортни сев, спорт билан яша” шиори остида ўтказилаётган Республика оммавий мусобақалари анжуман кун тартибидаги асосий мавзулари бўлди. Дастлаб Камолиддин Эргашев юртимизда ўтилиши кутилаётган халқаро мусобақалар ҳақида маълумот берди.

“Бу йил юртимизда турли ёш тоифалари учун 50 дан ортиқ халқаро мусобақалар ўтказилиши режалаштирилган. Улар орасида тахминан 20 тасининг нуфузи анча юқори бўлиб, мазкур мусобақалар доирасида Халқаро ташкилотлар вакиллари ҳам ташриф буюриши кутилмоқда. Шубҳасиз, мусобақалардан ташқари Халқаро спорт федерациялари раҳбариятини мамлакатимизга таклиф қилиш бўйича музокаралар олиб борамиз. Бу ўша спорт тури ривожини юртимизда янги босқичга олиб чиқиш йўлида муҳим аҳамиятга эга”, – деди К.Эргашев.

Шунингдек, Токио Олимпия ўйинларига тайёргарлик, “Спортни сев, спорт билан яша!” шиори остида ўтказилаётган мусобақалар ҳақида ҳам тўхталиб ўтилди.

“Давлатимизнинг қўллаб-қувватлаши билан Токио-2020 Олимпия ва Паралимпия ўйинларига катта кўламда тайёргарлик ишлари олиб борилмоқда. Ҳозирда велоспорт, юнон-рум кураши, бадиий гимнастика, пара-енгил атлетика, байдарка ва каноэда эшкак эшиш бўйича терма жамоаларимиз чет элда ўқув-машғулот йиғинини олиб боришмоқда. Яна бир неча кун ичида бошқа спорт турларида ҳам жамоаларимиз хорижий йиғинларни бошлашади. Юртимизда соғлом турмуш тарзи ва спорт оммавийлигини ошириш бўйича ишлаб чиқилган “Спортни сев, спорт билан яша!” шиори остидаги тадбир ҳам катта аҳамиятга эга. Бу орқали бутун Республикамиз бўйлаб спорт билан шуғулланадиганлар қамровини оширишни режа қилганмиз”, – деди Б.Ибрагимов.

Тадбир давомида мазкур мусобақаларни ёритиш, уларда мухлисларнинг иштироки, қолаверса, чет элда бўладиган мусобақаларда терма жамоаларимиз таркибига матбуот котибларини киритиш орқали унинг янада кенг ёритилишини таъминлаш каби мавзулар бўйича савол-жавоблар бўлиб ўтди.

Маълумот учун, март ойидан Республикамиз бўйлаб йирик халқаро мусобақалар ўтказила бошлайди. Даставвал, дзюдо бўйича мамлакатимизда илк бор Токио Олимпиадасига лицензион очко берувчи Тошкент «Катта Дубулға» турнири, профессионал боксчимиз Муроджон Аҳмадалиевнинг чемпионлик камарларини ҳимоя қилувчи жанглари, “III Наврўз халқаро марафони” шулар жумласидандир.

Суратлар муаллифи - Алимурод МАМАДАМИНОВ, ўз мухбиримиз 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг