Олимпия шаҳарчасидаги қурилиш ишлари муҳокама қилинди

Спорт вазирлигида вазир Адҳам Икрамов ва МОҚ Бош котиби Ойбек Касимов “China Camc Engineering” компанияси вице-президенти Лиу Шеншен билан учрашув ўтказишди. Унда расмийлар пойтахтимизда қад ростлаётган Олимпия шаҳарчасининг лойиҳасини муҳокама қилишди.

Суҳбат давомида қурилиши якунланаётган объектларни энг замонавий инвентарлар билан жиҳозлаш, умумий иш жараёнини жадаллаштириш ва иш самарадорлигини ошириш бўйича фикр алмашилди.