Оливейранинг мураббийи Махачевга қарши жанг нечанчи раундда тугашини айтди

"Рус кураши Американикидан фарқ қилади. Лекин, ҳаммасини аллақачон биламан. Ислам доғистонлик жангчи, унинг заиф томонларини аллақачон билиб олганман.

Унинг услуби кураш, бу борада у Хабибдан яхшироқ. Хабиб кўпроқ самбо ва дзюдони намойиш этган. Махачевнинг услуби кўпроқ жангга ўхшайди ва у ғалаба қозониш учун Чарльзни партерда ушлаб туришга ҳаракат қилади. Унинг жиу-житсуси яхши. Аммо, бу Оливейрага қизиқ эмас.

Биз тўрт йилдан бери бирга ишлаяпмиз ва Чарльз жуда ўзгарган. У билан спарринг ўтказиш қийин. 26 йилдан бери кураш билан шуғулланаман, чемпионатда ғолиб бўлганман. Лекин, у билан курашиш қийин, чунки у тез мослашади ва жуда ақлли.

Агар Чарльз эронлик ёки россиялик бўлганида кураш бўйича жаҳон чемпиони бўларди. Унинг танаси жанг қилиш учун жуда мос келади.

Ўйлайманки, Махачев Оливейрани йиқита олмайди. Агар Чарльз уни йиқитса, таслим бўлишга мажбур қилади.

Кўпчилик курашчилар рақиб тагига тушганда кучсиз бўлиб, ўрнидан туришга ҳаракат қилади ва Чарльз бундан фойдаланади. Жанг учинчи раундда якунланади. Оливейра уни таслим бўлишига мажбур қилади ёки нокаутга учратади", - дея мураббийнинг сўзларини келтиради Sportskeeda.