"Олти қирол "Тожи". Синнер 2,5 соат давом этган баҳсда Жоковични енгди

Италиялик иқтидор эгаси 1/2 финалда сайёрамизнинг тўртинчи ракеткаси, сербиялик Новак Жоковични уч сет натижасига кўра мағлубиятга учратди - 6/2, 6/7(0), 6/4. Икки соату 27 дақиқа давом этган баҳсда иккала теннисчи ҳам 9 тадан эйс зарбасини амалга оширган. Қўшхатолар ҳам, брейклар ҳам мос равишда 7 га 2, 6 га 3 кўринишида Янник фойдасига ҳал бўлган. 

Энди Синнер кўргазмали мақомдаги турнир бош соврини учун испаниялик Карлос Алькаразга қарши кортга чиқади. Тажрибали Жокович эса учинчи ўрин соҳибини аниқлаб берувчи баҳсда ўзи сингари яна бир афсона Рафаэль Надаль билан тўқнаш келади.