О`Мэлли Пётр Ян билан реванш ҳақида: "Тайёрлигимга ишончим комил эмас"

Бунинг учун Пётр Ян ўз ўрнида Мераб Двалишвилини мағлуб этиши керак. Аммо Шон Пётрга қарши октагонга чиқишга тайёрлигига ҳали ишончи комил эмас.

"Навбатдаги жангимда ғалаба қозонсам, Пётр эса Мерабни енгса, кейин бу ҳақда ўйласам бўлади. Лекин бошқа томонда унга реванш беришга тайёрлигимга ишончим комил эмас", - деди собиқ UFC чемпиони ўз подкастининг навбатдаги сонида.

Маълумот учун, 2022 йил октябрь ойида Шон О`Мэлли Пётр Янни ҳакамларнинг қарори билан мағлуб этганди. Шундан сўнг у чемпионлик камари учун имкониятга эга чиққан ва Алжамейн Стерлингни техник нокаутга учратиб, ўта енгил вазн тоифасида UFC`нинг янги чемпионига айланганди.

Пётр Ян эса 6 декабрь куни Лас-Вегасда бўлиб ўтадиган UFC 323 турнирида Мераб Двалишвилига қарши октагонга чиқади. Шон О`Мэлли эса келаси йил бошида Сонг Ядонг билан тўқнаш келади.