31 авг 14:27
Янгиликлар

Теннис

Омонмуродова Алмати турнири финалига чиқди

Қозоғистоннинг Алмати шаҳрида ўтказилаётган теннис бўйича "Фьючерс" туркумига кирувчи турнир ўзининг ҳал қилувчи палласига кирди.

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида финалчилар номи маълум бўлди. Бундан бир неча дақиқа аввал якунланган учрашувда ҳамюртимиз Оқгул Омонмуродова финал йўлланмасини қўлга киритди.

Тажрибали теннисчимиз 2 соату 23 дақиқа давом этган ярим финал баҳсида беларуслик Анна Кубаревадан 6:3, 5:7, 6:3 ҳисобида устун келди. Омонмуродованинг бош соврин учун баҳсдаги рақибаси, турнирнинг учинчи ракеткаси, россиялик Валерия Юрченко бўлади.