22 авг 08:15
Янгиликлар

Теннис

Омонмуродова Артвинда икки ғалабага эришиб, асосий тўрга чиқди

Туркиянинг Артвин шаҳрида теннис бўйича “Фьючерс” туркумига кирувчи турнирнинг саралаш баҳслари якунланди.

Соврин жамғармаси 60 000 АҚШ долларини ташкил қилувчи мусобақада ҳамюртимиз Оқгул Омонмуродова ҳам иштирок этяпти. Саралашнинг илк даврасидан озод қилинган теннисчимиз иккинчи даврада туркиялик Бейда Байкални 6:3, 3:6, 6:3 ҳисобида мағлуб этганди.

Саралаш турнирининг иккинчи ракеткаси бўлган Омонмуродова кеча асосий тўрга йўлланма берувчи баҳсда саралашнинг еттинчи ракеткаси бельгиялик Магали Кемпенни 6:1, 2:6, 6:3 ҳисобида мағлубиятга учратди. Унинг асосий тўр илк босқичдаги рақибаси ҳам бельгиялик теннисчи Ан-София Местач бўлади.