10 ноя 14:18
Янгиликлар

Енгил атлетика, Токио-2020

Омонов жаҳон чемпион бўлди ва Паралимпия ўйинлари йўлланмасини қўлга киритди

Хабарингиз бор айни кунларда БААнинг Дубай шаҳрида Пара атлетика бўйича навбатдаги Жаҳон чемпионати бўлиб ўтмоқда.

Бугун мусобақанинг эркаклар ўртасида ядро улоқтириш тури (F41) бўйича финал беллашувлари бўлиб ўтди, деб хабар бермоқда Ўзбекистон Паралимпия ассоциацияси матбуот хизмати.

Қувонарлиси, ҳамюртимиз Бобиржон Омонов 14.03 метр натижа билан олтин медални қўлга киритди. У ўз натижаси билан чемпионат рекордини ўрнатиш билан бир қаторда германиялик ва британиялик Паралимпия ўйинлари чемпионларини ортда қолдиришда эришди.

Ушбу натижа спортчимизга келаси йили Токиода бўлиб ўтадиган Паралимпия ўйинларига йўлланмани ҳам тақдим этди. Шуни ҳам алоҳида таъкидлаш керакки, Омонов мусобақанинг энг ёш спортчиси ҳисобланади.

Бобиржон Омонов халқаро мусобаларда қайд этган натижалари:

- 2017 йил ёшлар Параосиё ўйинлари (олтин)

- 2018 йил Параосиё ўйинлари (олтин)