Онс Жабер мавсумдаги иккинчи «Улкан Тож» турнири финалига чиқди

Жаҳоннинг бешинчи ракеткаси тунислик Онс Жабер АҚШ Очиқ чемпионатининг ярим финалида WТА рейтингида 17-ўринни эгаллаб турган франциялик Каролин Гарсияни 6/1, 6/3 мағлуб этди ва финалга чиқди. 

Учрашув 1 соату 7 дақиқа давом этди. Спортчиларнинг ўзаро учрашувларида ҳисоб тунислик теннисчи фойдасига 7:0 кўринишига келди.

Энди Жабер US Open чемпионлиги учун сайёрамизнинг биринчи ракеткаси польшалик Ига Свёнтекка қарши баҳс олиб боради.

Эслатиб ўтамиз, Онс жорий мавсумда иккинчи марта «Катта Дубулға» турнири финалига чиқди. У «Уимблдон» финалида Елена Рибакинага ютқазиб қўйганди. Шунингдек. у ушбу натижа орқали яна жаҳоннинг иккинчи ракеткасига айланади