Онс Жабер Саудия маликасига тегишли брендни реклама қилади

У Саудия Арабистони маликаси Рима бинт Бандар Ал Саудга тегишли Kayanee бренди элчисига айланди. Бу ҳақда "Катта Дубулға" туркумига кирувчи турнирларнинг уч карра ғолибаси хабар берди. Жабер Саудия Арабистонида фитнес ҳамда соғлом турмуш тарзини янада қарор топтиришга ёрдам беради.

Дунёнинг олтинчи ракеткаси бўлиб турган Онс Kayanee брендига қадар Lotto компанияси билан ҳамкорлик қилган.

"Уни асосий спорт элчимиз сифатида кўриш биз учун катта шараф. Бу ҳамкорлик ўз ичига фақат фитнес мажбуриятларни олмайди. Жабер ёш аёл спортчиларни қўллаб-қувватлаш, уларни халқаро майдондаги ғалабалар сари руҳлантириш учун ёрдам беради", - деди Саудия маликаси.