Онс Жабер US Open бош совринини кўзлаяпти

Тунислик теннис маликаси 2 соату 12 дақиқа давом этган иккинчи даврада WTA рейтингининг 41-поғонасида бораётган чехиялик Линда Носковани қийинчилик билан мағлубиятга учрата олди - 7/6(7), 4/6, 6/3.

Онс бу билан ўзаро учрашувлардаги ҳисоб мувозанатини ҳам тиклашга муваффақ бўлди - 1:1. Жабер 7, Носкова 4 та эйс зарбасини амалга оширган. Қўшхатолар иккала теннисчида ҳам 3 тадан бўлди. Қизиғи, брейклар сони ҳам бир бир хилда бўлди - 4 тадан. Энди Жабер учинчи босқичда яна бир чех теннисчиси Мари Бузковага қарши кортга чиқади.