Оқ уйдаги UFC турнири АҚШ бокс комиссиялари ассоциацияси томонидан лицензияланади

Ушбу тадбирда жангларни лицензиялаш билан АҚШ бокс комиссиялари ассоциацияси шуғулланади. Бу ҳақда ташкилотнинг ўзи тегишли пресс-релиз эълон қилди. Бу билан турнир ўтказилишини мустақил назорат қилиш талаби бажарилади ва шоунинг барча жангларини кўргазмали жанглар мақомига ўтказиш хавфи йўқолади.

Эслатиб ўтамиз, аввалроқ UFC Колумбия округи яккакурашлар бўйича комиссияси билан ҳамкорлик қилишдан бош тортган, бунга уларнинг лицензиясини олиш мажбурияти йўқлиги сабаб қилиб кўрсатилганди. Чунки округ чегараларида жойлашган Оқ уй ҳудуди расман унинг бир қисми ҳисобланмайди ва алоҳида федерал мақомга эга.

UFC ва Яккакурашлар комиссияси ўртасидаги зиддият айнан нима билан боғлиқлиги ҳозирча номаълум. Аммо унинг молиявий асоси бўлиши даргумон, чунки лицензия нархи атиги 100 АҚШ долларини ташкил этади. Ушбу турнирни ташкил этиш учун умумий харажатлар эса, агар TKO Group раҳбари Марк Шапиро таъкидлашига ишонилса, 60 миллион долларга етиши мумкин.