Оқ уйдаги UFC турнирига эҳтимолий ҳужумнинг олдини олинди

Пател томонидан улашилган Fox News нашри хабарига кўра, ҳужум режаси оммавий эвакуацияни қўзғатиш ва одамларни снайперлар ўқига дучор қилиш учун портловчи моддалар билан тўлдирилган дронларни тадбир ўтказиладиган жой яқинидаги биноларга ҳужум қилишни ўз ичига олган. Жами беш киши ҳибсга олинган, яна 23 киши уларнинг шериклари сифатида аниқланган.

"10 июнь куни FBI ва ҳуқуқ-тартибот органларидаги ҳамкорларимиз Вашингтондаги UFC турнирига эҳтимолий таҳдид ҳақида маълумот олишди. Таҳдид пойтахт ҳудудидан ташқарида бўлган шахслардан келиб чиққан. FBI, ҳамкорларимиз ва Адлия вазирлигининг тезкор ҳаракатлари туфайли штатлараро операция доирасида бир нечта гумонланувчилар қўлга олинди ва тахмин қилинган ҳужум режалари ўз вақтида тўхтатилди", - деб ёзди Пател.

Эслатиб ўтамиз, 15 июнь куни тонгда Оқ уйда бўлиб ўтган UFC турнирининг асосий жангида америкалик Жастин Гэтжи испаниялик Илия Топурияни тўртинчи раунддан сўнг техник нокаут эвазига мағлуб этиб, енгил вазн тоифасида лига чемпионига айланганди.