15 май 12:11
Янгиликлар
Велоспорт
"Oqtosh-Chorvoq Mountain" турнири якунланди. Шоҳсупанинг уччала поғонасида бизникилар!
Мусобақанинг якуний босқичида аёл велоспортчилар 111 км масофада жамоавий пойгаларда ғолиблик учун стартга чиқишди.
Юртимиз шарафини 49 нафар велоспортчиларимиз ҳимоя қилишди ва қувонарлиси, якунда барча пробали медалларга эга чиқишди. Янина Кускова марра чизиғини биринчи бўлиб кесиб ўтди. Тажрибали Ольга Забелинская кумуш, Маргарита Мисюрина эса бронза медалига сазовор бўлди.
Эркаклар ўртасида 151 км масофага ўтказилган жамоавий пойгада эса 59 нафар велоспортчимиз стартга чиқди. Қозоғистонлик Илхан Дўстиев мусобақа ғолибига айланди. Грециялик Георгиос Боугласга иккинчи ўрин насиб этди. Қозоғистонлик яна бир спортчи Данил Пронский эса бронза медалини қўлга киритди. Ҳамюртларимиз орасида энг яхши натижани Муроджон Холмуродов қайд этди. У маррага саккизинчи бўлиб етиб келди.
Ҳавола :
Манба : olamsport.com
Фикрлар