Осака Индиан-Уэллсдан кейин ҳам дунёнинг биринчи ракеткаси бўлиб қолади

Бу билан япониялик теннисчи ўз чемпионлик унвонини ҳимоя қила олмади. Ўтган йилги турнирда айнан Осака бош совринни қўлга киритган эди. Мағлубиятга қарамай, Наоми мусобақа якунланганидан кейин ҳам рейтинг пешқадамлигини сақлаб қолади. 

Боиси, рейтинг карвонбошиси бўлиб олиш имкониятига эга бўлган чехиялик Петра Квитова, америкалик Слоан Стивенс ҳамда руминиялик Симона Халеп ҳам турнирда мағлубият аламини тотиб кўришди.

BNP Paribas Open турнири якунида украиналик Элина Свитолина, чехиялик Каролина Плишкова ва германиялик Анжелик Кербер рейтингнинг иккинчи поғонасига кўтарилиб олишлари мумкин. Фақат бунинг учун бу уч теннисчидан мусобақа ғолибига айланиши талаб этилади.