Осака Нью-Йоркда ярим финал ўйинида қатнашади, у аввалроқ мусобақага бойкот эълон қилганди

"Мен бунга тайёр эдим, ҳозир ҳам рад этишга тайёрман. Бироқ, WTA ва USTA вакиллари билан гаплашганимдан сўнг жума кунги баҳсларда иштирок этишга рози бўлдим. Улар барча ўйинларни жума кунга қолдиришди. Ўйлайманки, бу бўлиб ўтаётган воқеаларга диққатни тортади. Мен қўллаб-қувватлаётгани учун WTAдан миннатдорман", - деди Осака.

Эслатиб ўтамиз, аввалроқ Осака қора танли аҳолига полиция томонидан бўлаётган тазйиқларга нисбатан норозилигини намойиш этиб, Нью-Йоркдаги мусобақа ярим финалида кортга чиқмоқчи эмаслигини маълум қилганди.