"Осиё болалари" мусобақасининг учинчи куни дзюдочиларимиз 6 та медаль қўлга киритишди!

Ўз тарихида саккизинчи бор ташкил этилаётган мусобақада Ўзбекистон спорт делегацияси ҳам муваффақиятли қатнашяпти. Бугун дастурдан ўрин олган дзюдо баҳслари якунига етди. Учинчи кунги беллашувларда оғир вазнли дзюдочилар медаллар учун баҳс олиб боришди. 

Қувонарлиси, бугун татамига чиққан дзюдочиларимизнинг бари ғолиб ва совриндорлар сафидан жой олди. Мусурмонқул Аҳроров (-90 кг) чемпионлик шоҳсупасига кўтарилган бўлса, Элнора Салимова (-63 кг) ва Мустафо Шермаҳматов (-81 кг) кумуш, Дурдона Турсунова (-63 кг), Умида Ниғматова (+70 кг) ва Мунисбек Содиқов (+90 кг) эса бронза медалига сазовор бўлди.

"Осиё болалари". Ғолиб ва совриндор дзюдочиларимиз: 

Олтин медаль

-90 кг: Мусурмонқул Аҳроров 

Кумуш медаллар

-70 кг: Элнора Салимова 

-81 кг: Мустафо Шермаҳматов 

Бронза медаллар

-63 кг: Дурдона Турсунова 

+70 кг: Умида Ниғматова 

+90 кг: Мунисбек Содиқов