UZ

Сўнгги янгиликлар

19:22Ган Хокит билан реванш ҳақидаги саволга жавоб қайтарди 0 18:50"Мен кетишга тайёрман". Бруну Фернандеш танқидлар ва МЮдаги келажаги ҳақида гапирди 0 18:10Алекс Перейра: "Павлович ҳали бундай ўзига хос рақибга қарши жанг қилмаган" 0 17:29"Мен асосий даъвогарман. Махачев мендан қочди" - Карлос Пратес 0 16:52Диёра Келдиёрова Ута Абе билан солиштиришлари ҳақида: "Бу ҳудди Месси ва Роналдуни таққослагандек" 0 16:14Моуринью "Реал"нинг навбатдаги рекордини ўрнатди 0 15:30UFC’нинг япониялик жангчиси Алмабаев устидан қозонилган ғалабадан кейин узр сўради ва кейинги рақибини танлади 0 14:19Рамазон Темиров Хоригучини жангга чорлади 0 13:13Қозоғистон президенти ўзбекистонлик боксчига фуқаролик бериш тўғрисидаги фармонни имзолади 0 12:30ОЧЛ. “Ал-Ҳилол” Фарғонага тўрт футболчисисиз келди 0 11:21Мераб Двалишвили навбатдаги жангини қачон ўтказишга тайёр бўлишини айтди 0 10:30Иржи Прохазка нокаутли мағлубиятини изоҳлади 0 09:59Бугун Жаҳон чемпионатининг аралаш жамоавий беллашувлар ўтказилади. Ўзбекистонда жиддий рақиб! 0 09:28"Арсенал" мағлубиятдан қутилиб қолди 0 08:57Иржи Прохазка - Навахо Стирлинг жангига ММА оламининг муносабати 0

15 май 10:47
Янгиликлар

Шахмат

Осиё чемпионати. Шамсиддин Воҳидов ҳамон иккинчи ўринда, бугун сўнгги тур ўтказилади

Бирлашган Араб Амирликларининг Ал-Айн шаҳри мезбонлик қилаётган шахмат бўйича Осиё чемпионати ўз якуни сари яқинлашмоқда.

Мукофот жамғармаси 80 000 АҚШ долларини ташкил этувчи мазкур мусобақада Ўзбекистон терма жамоаси ҳам катта таркибда қатнашяпти. Қитъа чемпионатининг эркаклар ўртасидаги баҳсларида 33 мамлакатдан 156 нафар иштирокчи медаллар учун дона сурмоқда. 

Осиё чемпионатининг 8-турида ҳамюртларимиз орасида энг яхши кўрсаткичга эга бўлиб турган гроссмейстеримиз Шамсиддин Воҳидов (2641) оқ доналарда россиялик гроссмейстер Иван Землянский билан дурангга имзо чекди. Бу очко йўқотилиши унинг чемпион бўлиш имкониятини йўққа чиқарди. Шамсиддин 6 очко билан қўшимча кўрсаткичларга кўра 2-ўринни сақлаб қолди. 

Осиё чемпионатида қатнашаётган биринчи рақамли шахматчимиз Нодирбек Якуббоев (2665) оқ доналарда ҳиндистонлик халқаро мастер Асватни мағлубиятга учратди. Бу билан Нодирбек 5,5 очко билан қўшимча коэфицентлар бўйича 14-ўринга кўтарилиб олди. Олтинчи поғонадаги ҳинд шахматчисида ҳам 5,5 очко бор.   

Афсуски, Муҳиддин Мадаминов 8-турда қора доналарда ҳиндистонлик гроссмейстер Нараянанга ютқазиб қўйди. Муҳаммадзоҳид Суяров қора доналарда россиялик Кирил Шубин билан муросага келди. Бу турда ҳамюртларимиздан Ҳумоюн Бегмуратов, Асроржон Омонов, Асилбек Абдулазизов ва Орият Обиджонов рақибларига имкониятни бой берди. Афрузбек Собиров ва Саидхон Ашикмамутовда ғалаба, Миразиз Матёқубов ва Баҳром Бахриллаевнинг партияларида дуранг қайд этилди. 

Мусобақа пешқадами эронлик Бардия Данешвар (2621) 8-турда ҳиндистонлик Пураник Абҳиманю устидан жуда муҳим ғалабани қўлга киритиб, деярли Осиё чемпионлигини нақд қилди. Бугун ўтказиладиган сўнгги турда уни дуранг натижа ҳам қаноатлантиради. 

Эътиборга молик жиҳати шундаки, бугун сўнгги 9-турда ўзбек классик дербисига гувоҳ бўламиз. Шамсиддин Воҳидов қора доналарда Нодирбек Якуббоевга қарши баҳс олиб боради. Ушбу баҳс жаҳон кубоги тақдирини ҳам ҳал қилади. Шамсиддин камида дуранг ўйнаса, ушбу йўлланмани қўлга киритиши мумкин бўлади. Ғалаба эса кумуш медаль ва жаҳон кубоги чиптасини кафолатлайди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг