19 авг 20:04
Янгиликлар

Спорт курашлари, Осиё ўйинлари

Осиё ўйинлари-2018. Илк олтин муборак! Абдураҳмонов чемпион+ФОТО!

Индонезиянинг Жакарта шаҳрида ўтказилаётган 18-Осиё ўйинлари доирасидаги эркин кураш мусобақаси тобора қизғин паллага кириб боряпти.

Ҳозиргина -74 кг вазн тоифасида бўлиб ўтган финал учрашувида ҳамюртимиз Бекзод Абдураҳмонов олтин медални қўлга киритди. Абдураҳмонов қозоғистонлик Данияр Каисановга қарши гиламга чиқди.

Муросасиз учрашувда Бекзод рақибини 3:2 ҳисобида мағлуб этиб, Ўзбекистон терма жамоаси делегацияси ҳисобига Осиё ўйинларидаги дастлабки олтин медални тақдим этди.

Қайд этиб ўтиш лозимки, ушбу чемпионлик Абдураҳмонов учун Осиё ўйинларидаги иккинчи ғалаба ҳисобланади. Бунгача у 2014 йилда ҳам шоҳсупанинг энг юқори поғонасидан ўрин олишга муваффақ бўлганди.

Эътиборлиси, тўрт йил олдин ҳам айнан Бекзод делегациямизга илк олтин медални тақдим этганди.