17 июн 15:53
Янгиликлар
Спорт курашлари
Ўсмирлар Олимпия ўйинларида иштирок этадиган ёш полвонларимиз Владикавказга жўнаб кетишди
Хабарингиз бор, октябрь ойида Аргентинада III ёзги ўсмирлар Олимпия ўйинлари старт олади.
Эркин курашчиларимиз ушбу нуфузли мусобақада муносиб иштирок этишни мақсад қилиб қўйишган.
Шу муносабат билан Миллий олимпия қўмитаси ушбу Олимпиадада иштирок этадиган эркин курашчиларимиз учун ҳорижда ўқув-машғулот йиғинларини ташкил этиб берди. 17 июнь - 1 июль кунлари Владикавказда бўлиб ўтадиган йиғинда эркин курашчиларимиз Умид Жалолов (48кг) ва Муҳаммадрасул Раҳимов (80кг) лар иштирок этишади.
Эслатиб ўтамиз, спортчиларимиз Буэнос-Айресдаги ўйинлар учун лицензияни Тошкентда бўлиб ўтган Осиё чемпионатида қўлга киритгандилар. Ўша қитъа биринчилигида ўсмирларимиз умумий ҳисобда бешта (эркин кураш - 2, аёллар кураши - 2, юнон-рум кураши - 1) йўлланма соҳибига айлангандилар.
Ҳавола :
Манба : olympic.uz
Фикрлар