02 сен 10:10
Янгиликлар

Теннис

Остапенко фаолиятида илк бор US Open 1/8 финалига чиқди

Дунёнинг 21-ракеткаси бўлиб турган Елена Остапенко фаолиятида илк бор АҚШ Очиқ чемпионати нимчорак финалида ўйнайдиган бўлди.

Латвиялик теннисчи 110 дақиқа давом этган учинчи давра баҳсида WTA рейтингида 73-ўринни эгаллаб турган америкалик Бернарда Перани 4/6, 6/3, 6/3 ҳисобларида мағлубиятга учратди. Шу билан бирга у теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1. 

Учрашув статистикаси:

Эйс зарбалар: Остапенко 3, Пера 4.

Қўшхатолар: Остапенко7, Пера 8.

Брейклар: Остапенко 7, Пера 5.

Энди Елена Остапенко US Open 1/8 финалида мусобақанинг амалдаги ғолибаси, дунёнинг биринчи ракеткаси, польшалик Ига Свёнтекка қарши кортга чиқади.