04 мар 11:08
Янгиликлар

Теннис

Остин (WTA). Хитой дербисида Юань Юэ ғалаба қозонди, бу унинг илк соврини

АҚШнинг Техас штати Остин шаҳрида теннис бўйича WTA турнири якунланди.

Ҳал қилувчи финал учрашувида хитойлик икки теннисчи ўзаро рўбарў келди. Дунёнинг 68-ракеткаси бўлиб келган Юань Юэ рейтингда ўзидан 4 поғона юқорида борган ватандоши Сю Ванни 6/4, 7/6(4) ҳисобида мағлубиятга учратди. Бу ҳамюртларнинг ўзаро ўтказган илк учрашуви эди.

Шу тариқа, Юань фаолиятидаги илк совринни қўлга киритди. Бу эса унинг бугун эълон қилинадиган янги рейтингда Топ-50`да дебют қилишини таъминлайди. Остиндаги муваффақиятли иштирок Юэга 250 рейтинг очкоси ҳамда 35,250 доллар мукофот пули келтирди. Ван эса бир ҳафталик меҳнатидан 163 очко ва 20,830 доллар ишлаб олди.