Отабек Эшмаматовни табриклаймиз!

Отабек Эшмаматов 1978 йилнинг 7 май санасида Самарқанд вилояти, Нарпай туманида таваллуд топган. Мактабни тугатгач, Тошкент давлат санъат ва маданият институтининг бакалавриат ва магистратура йўналишларида таҳсил олган.

Меҳнат фаолиятини 1997 йилда Ўзбекистон радиоси “Ёшлар” радиоканалида муҳаррир сифатида бошлаб, шарҳловчи, бош муҳаррир ўринбосари лавозимларида ишлаган.

Кейинчалик, Ўзбекистон Миллий телерадиокомпанияси “Спорт” телеканали шарҳловчиси, “Спорт” телеканали “Теледизайн” бўлими катта муҳаррири, “Спорт” телерадиоканали телерадиоэшиттиришлар таъминот хизмати “Компьютер информация ва медиатехнология” бўлими биринчи тоифали мутахассиси, катта муҳаррири, “Спорт” телерадиоканали “Махсус лойиҳалар, медиатехнология ва медиаметрия” студиясининг бош муҳаррири, Ўзбекистон Миллий телерадиокомпанияси “Машъал” радиоканали “Спорт дастурлари” муҳарририяти бош муҳаррири, “Mahalla” телерадиоканали, “Маhalla” радиоси “Ижтимоий-ҳуқуқий дастурлар” муҳарририяти шарҳловчиси, Медиаметрия ва рейтинг сектори бош мутахассиси, “Mahalla” телерадиоканали “Бадиий-маърифий дастурлар” муҳарририяти бош муҳаррири ўринбосари, катта муҳаррир, Ўзбекистон Миллий ахборот агентлиги Веб-сайт ахборот таҳририяти масъул муҳаррири лавозимларида хизмат кўрсатган.

Ҳозирги кунда Ўзбекистон Республикаси Жисмоний тарбия ва спорт вазирининг Матбуот котиби – ахборот сиёсати масалалари бўйича маслаҳатчиси лавозимида фаолият олиб бормоқда.

Жисмоний тарбия ва спорт вазирлига жамоаси Отабек Эшмаматовни бугунги таваллуд айёми билан самимий муборакбод этган ҳолда оилавий бахт ва келгуси фаолиятида ҳамиша омад ёр бўлишини тилаб қолади.

Жисмоний тарбия ва спорт вазирлиги Матбуот хизмати