Отабек Холматов: "Ўзбекистонга жаҳон чемпионлиги камарини олиб келаман, Ин Ша Аллоҳ!"

Аввалроқ, WBA ташкилоти чемпион Ли Вуд ҳамда мажбурий даъвогар Отабек Холматов ўртасидаги чемпионлик жангига расман буйруқ берган эди.

"Ассалому алайкум юртдошлар! Ин Ша Аллоҳ айни дамда АҚШга виза олиш ишлари амалга ошириляпти. Шундай бўлишига қарамасдан, ўз уйимда бўлсам ҳам бўлажак рақибимга қарши тайёргарликни бошлаб юборганман."

— Спарринг жараёнларини ким билан олиб борасиз?

"Худо хоҳласа, виза олиб, Америкага борганимдан сўнг аниқ бўлади спарринг-шеригим. Тайёргарликларни жуда яхши қилиб, Ўзбекистонга жаҳон чемпионлиги камарини олиб келаман, Ин Ша Аллоҳ!

— Ли Вуд ҳақида қандай фикрдасиз? Унинг Лара билан жангини кўрдингизми?

"Ли Вуднинг жангларини кўриб чиқдим. Тўғрисини айтсам, вазнимда қандай йигитлар бўлса, мен улар учун доим меҳнат қиламан, мен уларга тайёрман. Худо хоҳласа, ғалаба Ўзбекистонимизники бўлади. Юртдошлар дуо қилиб туринглар, сизларнинг қўллаб-қувватлашларингиз бизга доим ғалабалар келтиради. Ҳаммага катта раҳмат!"