"Ўтган йили "Ролан Гаррос"да Федерер аввалгидек эмаслигини пайқагандим". Денис Истомин Рожернинг кетишига муносабат билдирди

— Рожер жуда узоқ ва ажойиб фаолиятга эга бўлди. У тарихдаги энг зўр ўйинчилардан бири. Теннисга янги ҳомийларни олиб келгани, унинг фаолиятида теннис машҳурликка эришгани учун Федерерга катта раҳмат айтмоқчиман. Албатта, мен у билан бир даврда ўйнаганимдан фахрланаман. У билан ўйин ўтказиш менга насиб этди - уларнинг ҳар бири менинг ёдимда қолади.

— Ўтган йили у билан "Ролан Гаррос"да ўйнагансиз. Унинг кетаётганини ҳис қилдингизми?

— Қайсидир маънода, ҳа. Унинг муносабати энди аввалгидек эмаслигини пайқадим. У унчалик ҳам тез ҳаракат қилмаётган эди. Лекин бу нормал ҳолат, у ҳали ҳам ёшига қараганда ажойиб ўйнади.

Эслатиб ўтамиз, Афсонавий Рожер Федерер фаолиятини якунлаганини эълон қилган эди.

Маълумот учун, ўзаро учрашувларда Федерер Истомин билан саккиз бор тўқнаш келган ва барчасида ғалаба қозонган.