ОТМ талабалари Самарқандда “Туризм ва спорт вазири кубоги” учун мусобақалашди

Бугунги кунда талаба-ёшлар ўртасида спортнинг олимпиада ва миллий турларини ривожлантириш орқали ёшларнинг спорт билан шуғулланишлари учун замон талабларига мос шарт-шароитлар яратиш, уларнинг иродаси, ўз кучи ва имкониятига бўлган ишонч, мардлик, ватанпарварлик, Она юртга садоқат туйғуларини камол топтиришга қаратилган бир қатор лойиҳалар амалга оширилмоқда.

Жумладан, Республикамизда фаолият кўрсатаётган Олий таълим муассасалари талабалари ўртасида “Туризм ва спорт вазири кубоги” мусобақасининг ўтказилиши ҳам бу каби лойиҳаларнинг амалий даражасини белгилайди.

Бу гал мусобақанинг финал босқичига кўҳна Самарқанд шаҳри мезбонлик қилди. “Ипак йўли” туризм ва маданий мерос халқаро университетида бўлиб ўтган “Туризм ва спорт вазири кубоги” мусобақаси бадминтон, футбол, шахмат, армрестлинг, квест спорт турлари бўйича ташкил этилди.

Мусобақага 27-ноябр куни старт берилди ва унда мингга яқин талабалар ғолиблик учун кураш олиб боришди. Мусобақа якунида Туризм ва спорт вазирлиги мутасаддилари иштирокида тақдирлаш маросими ташкил этилди.