Отто Валлин Усик - Дюбуа жангида ким ғалаба қозонишини айтди

"Бу ерда сўзсиз Дюбуа аутсайдер. Бироқ у жуда мустаҳкам йигит - ҳақиқий супероғир вазнли жангчи, кучли панчер. Шу сабабли унда доимо имконият бўлади. Усикни зўр жангчи деб ҳисоблайман, у Жошуага қарши жангни чиройли ўтказди.

Бироқ Чисора ва Уизерспун билан жангда кутилганидек уруша олмади. Лекин бу унинг супероғир вазн тоифасидаги илк тажрибаси бўлганди. Шу сабабли ҳали кутишимиз ва жанг қандай бўлишини кўришимиз керак. Аммо айтишим мумкинки, Усик бу жангда фаворит.

Умуман олганда, Усик исталгани билан жанг қилаверадиган боксчи. У ушбу жангни қабул қилишига шубҳам йўқ эди. Унинг Фьюри билан жанги ўхшамагани учун ҳам ким биландир рингга чиқиши керак эди", - деди Валлин.