Оярсабаль 92 йиллик рекордни янгилаб, Испания тарихига кирди

Stats Foot нашрининг хабар беришича, учрашувнинг дастлабки 24 дақиқасида дубль қайд этган Оярсабаль Испания терма жамоаси сафида жаҳон чемпионатларида энг тез иккита гол урган футболчига айланди. Микель шу тариқа 1934 йилги турнирнинг 1/8 финалида Бразилияга қарши ўйинда (3:1) 25 дақиқа ичида дубль қилган Хосе Ирарагоррининг рекордини янгилади.

Бундан ташқари, Оярсабаль ЖЧ тарихида дастлабки 25 дақиқа ичида 3 та голли вазиятда қатнашган (гол+пас) иккинчи футболчи бўлди. Бунгача венгриялик Ласло Фазекаш 1982 йилда Сальвадорга қарши ўйинда (1 та гол ва 2 та ассист) бундай натижага эришганди. Шунингдек, баск миллатига мансуб ҳужумчи 1966 йилдан бери олиб бориладиган статистикага кўра, ўйиннинг дастлабки 30 дақиқасида 3 та голли ҳаракатни амалга оширган дунёдаги учинчи футболчига айланди.