Ўзбек боксчилари Осиё чемпионатида қанча пул ишлаб олишлари мумкин?

Бу ҳақида ташкилот матбуот хизмати хабар қилмоқда.

Турнир жамғармаси 400 000 АҚШ долларини ташкил этади ва пуллар олтин, кумуш ва бронза медаллари соҳиблари ўртасида бўлинади. 

Мусобақада биринчи ўринни қўлга киритган спортчилар 10 000 АҚШ доллари билан мукофотланадилар. Иккинчи ўрин эгаларига 5 000 доллар берилса, бронза медали эгалари 2 500 долларга эга бўлади. 

Мукофот пулларини бериш эркаклар ўртасида ҳам, аёллар ўртасидаги баҳсларга ҳам амал қилади. 

"Биз аввалдан режалаштирилган стратегияга амал қилмоқдамиз. Боксчилар қийин меҳнатлари учун мукофотланишлари лозим. Пуллар спортчиларга нафақат мотивация беради, балки уларнинг оиласига молиявий барқарорликни тақдим этади. Боксчиларимиз муҳим шаҳслардир. Осиё чемпионати иштирокчиларига рингда ўзларини яхши томонлама кўсатишларини ва соғ-саломат бўлишларини тилайман", - деди AIBA президенти Умар Кремлёв.

Ўзбекистон бокс федерацияси матбуот хизмати