11 май 10:07
Янгиликлар
Бокс/ММА
Ўзбек боксчиси Дана Уайтга тегишли Zuffa Boxing`да дебют қилди
Чарм қўлқоп устамиз Раҳматулло Бойматов бугун тонгда АҚШнинг Лас-Вегас шаҳрида Дана Уайтга тегишли Zuffa Boxing промоутерлик компаниясининг олтинчи турнирида рингга кўтарилди.
Биз учун аҳамиятлиси, оқшом доирасида ўзбекистонлик чарм қўлқоп устаси Раҳматулло Бойматов ўзи учун проф боксдаги дебют жангида америкалик Калеб Холлга қарши рингга чиқди. Жангнинг биринчи раундидаёқ Бойматов рақибини техник нокаут эвазига мағлубиятга учратди. Рефери саноғидан сўнг жанг тўхтатилди.
Шу тариқа, Раҳматулло Бойматов нуфузли промоушендаги илк жангидаёқ катта ғалабага эришди. Калеб Холл эса фаолиятидаги 10-жангини ўтказиб, учинчи мағлубиятини қабул қилиб олди. Ҳисобида 6 ғалаба ва 1 та дуранг ҳам бор. Жанг ярим оғир вазн (79,38 кг) тоифасида 6 раунд этиб белгиланган эди.
Ҳавола :
Манба : olamsport.com
Фикрлар