Ўзбек теннисчилари янги мавсумни қаерда бошлашади?

Телеграмдаги Теннис янгиликлари канали январь ойида халқаро мусобақаларда иштирок этадиган эркак теннисчиларимиз рўйхати билан таништириб ўтди. 

Унга кўра, Денис Истомин ва Ҳумоюн Султонов 13-19 январь кунлари Бангкокда старт оладиган "Bangkok Challenger 80" мусобақасида иштирок этиш учун ариза беришган. Ҳар иккала теннисчимиз мусобақанинг асосий тўрида иштирок этишади.

Санжар Файзиев 20-26 январь кунлари Германиянинг Нуслох шаҳрида бўлиб ўтадиган М25 мусобақасида иштирок этиш орқали мавсумни бошлайди.

Жўрабек Каримов, Саидаъло Саидкаримов, Сергей Фомин ва Олимжон Набиевлар эса 20-26 январь кунлари Қозон шаҳрида бўлиб ўтадиган М15 "Фьючерс" мусобақасида иштирок этишади.

Янги бошланаётган мавсумда барча теннисчиларимизга улкан зафарларни тилаб қоламиз. Унутманг ҳар бирингиз биз учун қадрлисиз. Қандай натижаларни қайд этишингиздан қатъий назар биз сизга мухлислик қилишда давом этамиз!