28 янв 10:54
Янгиликлар
Қишки спорт турлари, Харбин-2025
Ўзбекистон 2010 ва 2014 йилги қишки Олимпиадаларда қатнашган спортчини Харбин-2025 учун рўйхатдан ўтказди
Бир неча кундан сўнг Хитойнинг Харбин шаҳрида IX қишки Осиё ўйинлари бошланади.
Етти кун давом этадиган мусобақада Ўзбекистон делегацияси жами 26 нафар спортчи билан иштирок этиши кутилмоқда.
Турнир расмий сайтида келтирилган маълумотларга қараганда, 37 ёшли тоғ чанғи спорт тури вакиласи Ксения Григорьева ҳам Харбиндаги ўйинларда қатнашади. У Ванкувер (2010) ва Сочи (2014) шаҳрида ўтказилган қишки Олимпия ўйинларида ҳам Ўзбекистон терма жамоаси шарафини ҳимоя қилганди.
Жаҳон чемпионатининг беш карра иштирокчиси бўлган Григорьева фаолияти давомида Олма-Ота (2011) шаҳрида ўтказилган VII қишки Осиё ўйинларида бешинчи натижани қайд этган.
Ҳавола :
Манба : olamsport.com
Фикрлар