13 май 14:12
Янгиликлар
![](/upload/storage/299879_220.jpg)
Ўзбекистон Astana Barysy Grand Slam`да 84 давлат орасида нечанчи ўринни эгаллади?
Мукофот жамғармаси 154 000 еврони ташкил қилган Barysy Grand Slam 2024 мусобақасида дунёнинг 5 қитъаси 84 давлатидан жами 450 нафар (235 эркак, 215 аёл) дзюдочи иштирок этди. Улар орасида Ўзбекистон терма жамоаси аъзолари ҳам турнир медаллари ҳамда Париж-2024 Олимпиадаси йўлидаги қимматли рейтинг очколари учун баҳс олиб боришди.
Якунда терма жамоамиз Шарофиддин Болтабоевнинг олтин медали эвазига 84 давлат орасида 9-ўринни эгаллади. Япония терма жамоаси медаллар жамғариш бўйича биринчи бўлди. Дзюдо ватани вакиллари Астанада 2 та олтин, 4 та бронза медалини қўлга киритишди. Италия 1 та олтин, 1 та кумуш, 2 та бронза медали билан иккинчи ўринни банд этган бўлса, кучли учликка 1 тадан олтин, кумуш ва бронза медаллари билан Хитой терма жамоаси якун ясади.
Топ-10`таликдан Хорватия, Қозоғистон, Франция, Португалия, Исроил ва Канада терма жамоалари жой олган. Астана "Катта Дубулға" турнири Олимпиадада олдидан ўтказилган сўнгги мусобақа бўлди. Энди навбат Абу-Даби шаҳри мезбонлигида ўтадиган 37-Жаҳон чемпионатига!
Фикрлар