Ўзбекистон аёллар терма жамоаси – Жаҳон чемпионати йўлланмаси соҳиби!

Бу ҳақда Ўзбекистон шахмат федерацияси матбуот хизмати хабар бермоқда. 

Ўзбекистон аёллар терма жамоаси меҳмонда ўйнаганига қарамай, озарбайжонлик шахматчиларни 2,5:1,5 ҳисобида мағлуб этди. Бу билан шахматчи-қизларимиз 17-24 ноябрь кунлари Испаниянинг Линарес шаҳрида бўлиб ўтадиган аёллар ўртасидаги жамоавий Жаҳон чемпионатида илк бор иштирок этиш ҳуқуқини қўлга киритди.

Шахматчиларимизнинг натижалари:

Афруза Ҳамдамова – 2 та ғалаба

Гулруҳбегим Тоҳиржонова – 1 та ғалаба, 3 та дуранг

Гулдона Каримова – 1 та ғалаба, 2 та дуранг

Умида Омонова – 2 та ғалаба, 2 та дуранг

Бу ғалаба ўзбекистонлик шахматчиларнинг халқаро майдондаги барқарор ўсиши ва жамоавий руҳининг ёрқин ифодасидир.

Жамоа таркиби:

1. Афруза Ҳамдамова – Аёллар халқаро спорт устаси (2409)

2. Гулруҳбегим Тоҳиржонова – Халқаро спорт устаси (2370)

3. Умида Омонова – Аёллар халқаро спорт устаси (2289)

4. Гулдона Каримова – Аёллар халқаро спорт устаси (2319)

5. Мадинабону Халилова – Аёллар халқаро спорт усталигига номзод (2228)

Нафиса Мўминова – Жамоа раҳбари, менежер