Ўзбекистон бокс федерациясининг икки нафар ходими AIBAнинг ITO курсларида малака оширмоқда

Ўзбек бокс оиласининг бир қатор аъзолари халқаро мусобақаларда ҳакам, шифокор, техник ходим сифатида фаолият олиб боришади. Яқин орада улар қаторига яна икки нафар ҳамюртимиз қўшилиши кутилмоқда. 

Айни пайтда БААнинг Дубай шаҳрида AIBAнинг "ITO Course" дастурида таълим олмоқда. ITO (International Technical Officials - Халқаро техник расмийси) сертификатини олиш учун Ўзбекистон бокс федерацияси Халқаро алоқаларни мустахкамлаш бўлими бошлиғи Шоҳид Тиллабоев ва бўлим мутахассиси Тамила Сариханова айни пайтда махсус ўқув курсида таҳсил олишмоқда. Ушбу курс якунланганидан сўнг битирувчиларга сертификат тақдим этилади ва ITO ходимлар халқаро нуфузли мусобақаларнинг ташкилий жараёнларида ҳам иштирок этишлари мумкин бўлади.

Маълумот учун, ушбу курсларда нафақат Осиё, балки бошқа қитъалардан ҳам мутахассислар иштирок этишмоқда.

Ўзбекистон бокс федерацияси матбуот хизмати